لغمان پوهنتون

ادبیاتو او بشري علومو پوهنځی

سريزه:

انساني ټولنه د علم او پوهې په برکت د پرمختګ او سوکاله ژوند لوړو مدارجو ته رسیدلی شي. نن سبا مختلف بشري علوم د نړۍ په پوهنتونو کې په دې موخه تدریسیږي چې انسان د خپل محیط له څرنګوالي خبر شي، تر څو له شته فرصتونو او امکاناتو څخه د ځان او خپل همنوعې په ګټه کار واخلي.

 دا چې ادبیات او بشري علوم په یوه جامعه کې دومره اساسي نقش لري، نو د هیواد د ډېرو نورو پوهنتونو په څیر د لغمان پوهنتون په چوکاټ کې هم د علومو دا څانګه له هماغه پیل (۱۳۸۹) کال څخه تاسیس شوې.

د ادبیاتو او بشري علومو دا پوهنځی د هیواد په سطحه د یوه اکاډمیک نهاد په توګه علمي او مسلکي ژورنالستان، مسلکي او علمي کتابداران، محققین او لیکوال روزي او ټولنې ته د خدمت په موخه وړاندې کوي.

د ادبیاتو او بشري علومو پوهنځی تاريخچه:

لغمان پوهنتون په (  ۱۳۸۹  ) هـ ش کال کې د دو پوهنځيو په درلودلو سره د سيمی د اړتياوو په اساس تاسيس شو. د ادبیاتو او بشري علومو پوهنخي د همدغه دوه لمړنيو پوهنځيو څخه يوه پو هنځي ده ، چې د ژورنالیز ، او علوم کتابدارۍ څانګو په درلودلو سره خپل فعاليت پيل کړ. د پوهنځی د اداری او تدریسی چارو د تنظیم په موخه د پوهنتون محترم رياست مقام د رهبری د لوزوم ديد په اساس پوهنیار سید ضیاءالرحمن بنوري د ريس په توګه ټاکل شوی و، او عبدالهادي رشیدي د ازادی سيالی له لاری د تدریسی مدير په توګه او یو خدماتی کارکونکی په دندو وګمارل شول، چې ۱۳۹۹/۸/۲۸ نيټي څخه محترم پوهنيار سردارولي اسرار د پوهنتون  محترم رياست مقام  په لوزوم ديد او د لوړو زده کړو محترم وزارت په وړانديز او د هيواد د ولسمشر د(۲۲۱۷) ګڼه حکم په اساس د ادبیاتو او بشري علومو پوهنځی د ريس په توګه تقر ترلاسه کړي او د پوهنځی اداری او تدريسی  مسوليت په رسمی توګه  محترم پوهنيار سردارولي اسرار ته وسپارل شو. 

د ادبیاتو او بشري علومو پوهنځی د پراختيا په درشل کي ده چی د  ۱۳۹۲ هـ ش   کال کې د پښتو اوانګلیسي څانګې منظورې شوي، چي په راتلونکی کی به د اړتياوو په نظر کي نيولو سره نوری څانګی هم د پوهنتون محترم ریاست مقام په همغږی د لوړو زده کړو محترم وزارت ته وړانديز شي.

د پورته ذکر شویو څانګو ټولی اداری او تدریسی چاری د سرپرست امرينو له خوا مخته وړل کيدلی، چی خوشبختانه په   ۱۳۹۸/۰۸/۰۲   نيټه د پښتو څانګی لپاره پوهنمل سلیمان صیاد، د انګلیسي څانګي لپاره پوهنيار ملنګ جان مومند او د ژورنالیزم څانګې لپاره پوهنیار عبدالمنان ساپی  د ادبیاتو او بشري علومو پوهنځی د لزوم ديد او د پوهنتون محترم رياست د وړانديز په اساس چی د لوړو زده کړو محترم وزارت د منظوريدو څخه وروسته رسما د پورتنیو څانګو د امرينو په توګه ګمارل شوی او د علوم کتابدرۍ څانګې چارې لا تراوسه د سرپرست امر له خوا مخته وړل کيږي.

په موجوده حالت کې د ادبیاتو او بشري علومو پوهنځی اداری او تدریسی چاری په خپل تعمير کې کوم، چې د Aid for afghan Children  د الماني موسیسي بوديجی په مرسته جوړه شوی پرمخ وړي. د ادبیاتو او بشري علومو پوهنځی په کافی اندازه اداری او تدریسی امکانات په واک کي لری او همدارنګه د محصلينو د عملی کار لپاره په یاد تعمیر کې د راډیو سټوډیو جوړ شوی، د پوهنځی شاه او  خوا کافی اندازه ځنګلی او زينتی بوټی او ونی نهال شوی چې د پوهنځی په سرسبزی کې اغيزمن رول لوبولي.

 

د ادبیاتو او بشري علومو پوهنځي لیدلوري او ماوریت:

ليدلوری (Vision):

ادبياتو او بشري علومو پوهنځی د خپل ليدلوري له مخې په پام کې لري د اسلامي، ملي، علمي او اکاډميکو اصولو پربنسټ په راتلونکو (5 نه تر 10) کلونو په موده کې د باتجربه کادرونو او شته عصري سرچينو او منابعو په مرسته د هيواد د معنوي اړتياوو او غوښتنو سره سم د ليسانس په کچه د نويو څانګو د ايجاد ترڅنګ په بيلا بيلو ژبو، ادبياتو او بشري علومو کې د ماسترۍ په کچه برنامې پيل کړي.

ماموريت (Mission):

د وړ او مسلکي کادرونو او شته امکاناتو په لرلو د داخلي او باندينيو ژبو (پښتو، دري، انګليسي او عربي) په ادبياتو او بشري علومو (ژورناليزم او کتابتون او معلوماتي ساينس) څانګو کې د ليسانس او ماستر په کچه د مسلکي کادرونو روزل ترڅو د ټولنې د اړتيا او غوښتنې سره سم د هيواد په پرمختګ او آبادۍ کې به خپل علمي او معنوي مسوليت او رسالت ترسره کړي.

د ادبیاتو او بشري علومو پوهنځی تشکيل (Organizational Structure)

د ادبياتو او بشري علومو پوهنځی د تاسیس او فعاليت څخه تراوسه د مسلک په اساس په بيلابيلو څانګو کې کادرونه په بيلا بيلو تحصیلی درجو ګمارل شوی، چې د ضرورت په اساس د استاذانو د تحصیلی درجی د لوړاوی په موخه د هیواد دننه او بهر هيوادونو ته د ماستری او دوکتورا برنامو ته معرفی شوی، چې ځينو په بريالی توګه خپلی برنامی په خپل وخت پای ته رسولی او ځوان نسل د خدمت لپاره خپل مقدسی دندی ته راګرځيدلی.

په لاندينی چارټ کې د ادبیاتو او بشري علومو پوهنځی تشکيلات ښودل شوي.

 په لاندينی جدول کې د بيلابيلو څانګو استاذان د هغوي د موجوده تحصیل درجه او علمی رتبی په اساس ښودل شوي.

(1) شميره جدول د ادبیاتو او بشري علومو پوهنځی د استاذانو احصايه

څانګه	شميره	نوم	تحصیل درجه	تقرر نيټه	علمی رتبه	موجوده حالت	بست	دنده	ملاحظات
ژورنالیزم	1	عبدالمنان ساپی	ماستر	13 /  9 / 1391	پوهنيار	حاضر	3	د دیپارتمنت امر
	2	یحیی یعقوبي	ماستر	7 /  3 / 1391	پوهنيار	حاضر	4	استاذ
	3	نوراحمد نبیل	ماستر	25 /  6 / 1393	پوهنيار	حاضر	4	استاذ
پښتو	1	شاه محود کډوال	ماستر		پوهندو	حاضر	4	استاذ
	2	سلیمان صیاد	ماستر	11 /  7 / 1391	پوهنمل	حاضر	3	ديپارتمنت امر
	3	عوض خان دولت زی	ماستر	3 /  2 / 1392	پوهنمل	حاضر	4	استاذ
	4	جاوید حمیدي	ماستر	7 /  3 / 1392	پوهنیار	حاضر	4	استاذ
	5	اورنګزیب اسحق زی	ماستر	6 /  12 / 1392	پوهنمل	حاضر	2	معاون محصلان
	6	عمران الله خنجر	ماستر	10 /  5 / 1394	پوهنيار	حاضر	4	استاذ
انګلیسي	1	سردارولی اسرار	ماستر	30 /  7 / 1391	پوهنمل	حاضر	2	پوهنځی ريس
	2	سمسور سهاک	ماستر	25 /  3 / 1392	پوهنیار	حاضر	4	استاذ
	3	عبدالبصیر صافی	ماستر	18 /  8 / 1392	پوهنيار	حاضر	4	استاذ
	4	محمد اسماعیل ستانکزی	ماستر	25 /  3 / 1392	پوهنيار	حاضر	4	استاذ
	5	هدایت الله باور	ماستر	22 /  12 / 1391	پوهنیار	حاضر	4	استاذ
	6	عبدالخالق صاحبزاده	ماستر	20 /  5 / 1393	پوهنیار	حاضر	4	استاذ
	7	حمزه عاطف نګار	ماستر	27 /  2 / 1394	پوهنیار	حاضر	4	استاذ
	8	ملنګ مومند	ماستر		پوهنیار	حاضر	3	د دیپارتمنت امر
علوم کتابدارۍ	1	سید ضیاءالرحمن بنوری	ماستر	1390/11/18	پوهنمل	حاضر	4	استاذ
	2	عماد الدین شهاب	لیسانس	17 /  1 / 1396	پوهیالی	حاضر	3	د دیپارتمنت سرپرست امر
	3	مایل نعیمي	لیسانس		نامزد پوهنیار	حاضر	4	استاذ
د فرعي څانګو استاذان	1	محمد ظریف صفري	ماستر	23 /  8 / 1391	پوهنيار	حاضر	4	استاذ
	2	ارسلاح عادل	ماستر	9 /  9 / 1392	پوهنیار	حاضر	4	استاذ
	3	عبدالهدا رفعت	ماستر	29 /  3 / 1392	پوهنیار	حاضر	4	استاذ

 

(2) شميره جدول د ادبیاتو او بشري علومو پوهنځی اداری او خدماتی کارکوونکي کارمندان جدول

شميره	نوم	بست	د بست عنوان	تحصيل درجه	ملاحظات
1	عبدالهادي رشیدي	4	تدریسی عمومی مديریت	ليسانس
2	محمد الدین	8	محافظ	نالوست
3	شمشاد	8	شب باش	12 پاس

 

د ادبیاتو او بشري علومو پوهنځی محصلين او تدریسی نصاب

د ادبیاتو او بشري علومو پوهنځی د تاسیس څخه تراوسه پوری په منظور شوی څانګو کې شپږ دوری په مسلک پوه فارغان ټولنی ته د خدمت لپاره وړاندی کړي. په لاندینی جدول کې  دبيلابيلو دورو فارغان ښودل شوي.

 

(3) شميره جدول د ادبیاتو او بشري علومو پوهنځی څخه د فارغ شویو محصلينو احصايه

شميره	څانګه	ژورنالیزم		علوم کتابداری		پښتو		انګلیسي		مجموعه
		ذکور	اناث	ذکور	اناث	ذکور	اناث	ذکور	اناث	ذکور	اناث
1	لمړي دوره 1394	25	0	17	0	0	0	0	0	42	0
2	دوهمه دوره 1395	47	0	30	0	0	0	0	0	77	0
3	دريمه دوره 1396	56	0	0	0	38	8	32	2	126	10
4	څلورمه دوره 1397	111	0	0	0	83	5	50	0	245	5
5	پنځمه دوره 1398	91	0	0	0	64	3	39	0	194	3
6	شپږم دوره 1399	92	1	18	0	88	0	75	0	173	1
مجموعه	6	422	1	65	0	273	16	196	2	857	19

(4) شميره جدول د ادبیاتو او بشري علومو پوهنځی د ۱۳۹۸-۱۳۹۹ تحصيلی کال د لمړی سمستر د بيلابيلو څانګو د محصلينو احصايه.

شميره	څانګه	اول صنف		دوهم صنف		دریم صنف		څلورم صنف		مجموعه		مجموعه کل
		ذکور	اناث	ذکور	اناث	ذکور	اناث	ذکور	اناث	ذکور	اناث
1	ژورنالیزم	53	11	72	0	69	0	82	1	276	12	288
2	پښتو	57	24	63	11	62	15	59	5	231	55	286
3	انګلیسي	59	19	60	2	67	2	72	0	258	23	281
4	علوم کتابدارۍ	49	1	50	0	48	0	41	0	161	1	162
مجموعه	4	218	55	245	13	246	17	254	6	926	91	1017

د ادبیاتو او بشري علومو  پوهنځی تدريسی نصاب د ټولني اړتيا او کار بازار په نظر کې نيولو په اساس د لوړو زده کړو محترم وزارت د نصاب د پراختيا محترم رياست په مرسته جوړ شوی او د تطبيق وړ ده، په لاندينی جدول کې د ادبیاتو او بشري علومو  پوهنځی د څلور ګونو څانګو جوړ شوی نصب ښودل شوي.

نصاب (کریکولم)

ادبیاتو او بشري علومو پوهنځی د محصلينو د علمی او مسلکی کچې د لوړتيا په خاطر د عملی تدریس په موخه راډیو سټوډیو لری او د نورو اړوندو اداروسره هوکړه ليکونه لری، چې د ضرورت په وخت کې د لغمان پوهنتون محترم رياست په مرسته اړوندو ادارو ته د عملی کړنو د ترسره کولو په موخه استول کيږي.