د کندوز پوهنتون ملي کنفرانس کې لغمان پوهنتون دویم مقام خپل کړ
په کندوز پوهنتون کې د《افغانستان په ځان بساینه کې د پوهنتونونو ونډه》تر عنوان لاندې جوړ شوي ملي کنفرانس کې لغمان پوهنتون وشو کولای چې د هېواد په کچه په ټولو پوهنتونونو کې دویم مقام تر لاسه کړي. ددې ستر ویاړ او لاسته راوړنې مبارکي د پوهنتون رهبري، د لغمان ولایت غیور او متدین ولس ته وړاندې کوي.
د لغمان پوهنتون رهبري له خپلو درنو استادانو ځانګړې مننه کوي، چې د کندوز پوهنتون ملي کنفرانس ته يې د خپل پوهنتون په نماینده ګۍ مقالې ليکلې وې او د هېواد په کچه يې د دويم مقام په ګټلو سره د لغمان پوهنتون نوم وځلاوه.
