ادبیاتو او بشري علومو پوهنځي لرلید،رسالت او تاریخچه:
لرلید (Vision):
ادبياتو او بشري علومو پوهنځی د خپل ليدلوري له مخې په پام کې لري د اسلامي، ملي، علمي او اکاډميکو اصولو پربنسټ په راتلونکو کې د باتجربه کادرونو او شته عصري سرچينو او منابعو په مرسته د هيواد د معنوي اړتياوو او غوښتنو سره سم د ليسانس په کچه د نويو څانګو د ايجاد ترڅنګ په بيلا بيلو ژبو، ادبياتو او بشري علومو کې د ماسترۍ په کچه برنامې پيل کړي.
رسالت (Mission):
د وړ او مسلکي کادرونو او شته امکاناتو په لرلو د داخلي او باندينيو ژبو (پښتو، دري، انګليسي او عربي) په ادبياتو او بشري علومو (ژورناليزم او کتابتون او معلوماتي ساينس) څانګو کې د ليسانس او ماستر په کچه د مسلکي کادرونو روزل ترڅو د ټولنې د اړتيا او غوښتنې سره سم د هيواد په پرمختګ او آبادۍ کې به خپل علمي او معنوي مسوليت او رسالت ترسره کړي.
تاريخچه:
لغمان پوهنتون په (۱۳۸۹) هـ ش کال کې د دو پوهنځيو په درلودلو سره د سيمی د اړتياوو په اساس تاسيس شو. د ادبیاتو او بشري علومو پوهنخي د همدغه دوه لمړنيو پوهنځيو څخه يوه پو هنځي ده ، چې د ژورنالیز ، او علوم کتابدارۍ څانګو په درلودلو سره خپل فعاليت پيل کړ. د پوهنځی د اداری او تدریسی چارو د تنظیم په موخه د پوهنتون محترم رياست مقام د رهبری د لوزوم ديد په اساس پوهنیار سید ضیاءالرحمن بنوري د ريس په توګه ټاکل شوی و، او عبدالهادي رشیدي د ازادی سيالی له لاری د تدریسی مدير په توګه او یو خدماتی کارکونکی په دندو وګمارل شول، چې ۱۳۹۹/۸/۲۸ نيټي څخه محترم پوهنيار سردارولي اسرار د پوهنتون محترم رياست مقام په لوزوم ديد او د لوړو زده کړو محترم وزارت په وړانديز او د هيواد د ولسمشر د(۲۲۱۷) ګڼه حکم په اساس د ادبیاتو او بشري علومو پوهنځی د ريس په توګه تقر ترلاسه کړي او د پوهنځی اداری او تدريسی مسوليت په رسمی توګه محترم پوهنيار سردارولي اسرار ته وسپارل شو.
د ادبیاتو او بشري علومو پوهنځی د پراختيا په درشل کي ده چی د ۱۳۹۲ هـ ش کال کې د پښتو اوانګلیسي څانګې منظورې شوي، چي په راتلونکی کی به د اړتياوو په نظر کي نيولو سره نوری څانګی هم د پوهنتون محترم ریاست مقام په همغږی د لوړو زده کړو محترم وزارت ته وړانديز شي.
د پورته ذکر شویو څانګو ټولی اداری او تدریسی چاری د سرپرست امرينو له خوا مخته وړل کيدلی، چی خوشبختانه په ۱۳۹۸/۰۸/۰۲ نيټه د پښتو څانګی لپاره پوهنمل سلیمان صیاد، د انګلیسي څانګي لپاره پوهنيارعبدالبصیر صافی، د ژورنالیزم څانګې لپاره پوهنیار عبدالمنان ساپی او دعلوم کتابدارۍ څانګې لپاره پوهنیار عمادالدین شهاب د ادبیاتو او بشري علومو پوهنځی د لزوم ديد او د پوهنتون محترم رياست د وړانديز په اساس چی د لوړو زده کړو محترم وزارت د منظوريدو څخه وروسته رسما د پورتنیو څانګو د امرينو په توګه ګمارل شوی.
په موجوده حالت کې د ادبیاتو او بشري علومو پوهنځی اداری او تدریسی چاری په خپل تعمير کې کوم، چې د German Aid for Afghan Children د الماني موسیسي بوديجی په مرسته جوړه شوی پرمخ وړي. د ادبیاتو او بشري علومو پوهنځی په کافی اندازه اداری او تدریسی امکانات په واک کي لری او همدارنګه د محصلينو د عملی کار لپاره په یاد تعمیر کې د راډیو سټوډیو جوړ شوی، د پوهنځی شاه او خوا کافی اندازه ځنګلی او زينتی بوټی او ونی نهال شوی چې د پوهنځی په سرسبزی کې اغيزمن رول لوبولي.