د څیړنې کمیټې په هکله:
ليدلوری:
په پراخه کچه د څېړنو رامنځته کول او حمايه کول څو په لغمان پوهنتون کې د ټولو کادري غړو له پاره د څېړنيزو پروسو د تشويق له لارې د څيړنو قوي فرهنګ رامنځته شي.
ماموريت:
د پوهنتون د څېړنيزو کړنو حمايه کول څو پرمختللو څېړنو ته زمينه برابره شي، د محصلينو او پوهنځيو د غړو پواسطه د ترسره شوو اساسي، تطبېقي او انکشافي څېړنو تشويقول.
د کمېټې پېژندنه:
د لغمان پوهنتون د علمي څېړنو کمېټه په 1399 هـ ش کال کې تأسيس شوې چې په نوموړې کمېټه کې د هرپوهنځي يو تن نماېنده ګي کوي، په اوو تنو کې يو تن د مشر او شپږ تنه د غړو په حيث فعاليت کوي چې غړي يې کاري ساحې ته په کتو وروسته تجديديږي، نوموړې کمېټه د کلني مهالوېش له مخې په هره مياشت کې یوه عادي غونډه دائروي او د اړتيا په صورت کې نورې غونډې هم دائروي، د څېړنو کمېټه د علمي څېړنو په برخه کې بېلابېل فعاليتونه ترسره کوي، د پوهنځيو څېړنيز پروګرامونه له نږدې څخه څاري چې تر دې مهاله نوموړي فعاليتونه په ښه ډول روان دي.
د څېړنې دکمېتې موخي:
۱ـ د څېړنې ستراتېژي جوړول
۲ـ د پوهنځيو څېړنيز کلتور ته وده ورکول
۳ـ د څېړنيزو پروګرامونو څارنه
۴ـ د څېړنو د خپرېدو تنظيم