د تعلیم الاسلام کتاب په علمي سیالۍ کې د ممتازو محصلینو ستاینغونډه ترسره شوه:
هغه غونډه چې په همدې موخه د چهارشنې ورځ (١٤٠٣/٢/١٩ ه ش مطابق ١٤٤٥/١٠/٢٩) د ادبیاتو او بشري علومو پوهنځي غونډو په تالار کې جوړه شوې وه، پکې د لوړو زده کړو وزارت د محصلانو انسجام او خدمتونو رٸیس استاد کلیم الله محمدي، د پوهنتون رٸیس الحاج حافظ پوهنمل محب الله هدایت، پوهنتون مرستیالانو، پوهنځیو رٸیس صاحبانو د بېلابېلو برخو آمرینو، استادانو او محصلینو ګډون درلود۔
غونډه د قرآنکریم مبارکو آیتونو په تلاوت سره پیل شو، ورپسې د پوهنتون رٸیس، د لوړو زده کړو وزارت څخه راغلي پلاوي او ټولو ګډونوالو ته د ښه راغلاست ترڅنګ وویل: دا ډول ازموینې محصلینو د علمي سطحې انکشاف، دیني پانګې زیاتوالي او تشویق له پاره اړین او ګټور دي۔
ورپسې د محصلانو د انسجام او خدمتونو محترم رٸیس خبرې وکړې او وې ویل: د لوړو زده کړو وزارت په پام کې لري چې محصلینو ته د مختلفو برنامو ترڅنګ د عملي کار زمینه برابره کړي۔
همدارنګه د دعوت او ارشاد آمر مولوي دلاور حلیم د دیني علومو په ګټو او ارزښت رڼا واچوله۔
وروسته د ازموینې ممتازو محصلینو ته د ډالۍ ورکولو لړۍ پیل شو چې؛ احمدالله د انجنیري پوهنځي سیول څانګې محصل لومړی، ضیاء الرحمن د اقتصاد پوهنځی مالي او بانکي څانګې محصل دویم، سید خالد د انجنیري پوهنځی سیول څانګې محصل دریم مقام خپل کړل، د یادونې وړ ده چې درېیم نمبر پورې ګټونکو محصلینو ته لپټاپ کمپوټرونه او تر لسم نمبر پورې نورې ډالۍ ورکړل شوې۔
غونډه د شرعیاتو پوهنځي رٸیس شیخ ذاهدالله حق۔اني په دعایې پای ته ورسېد۔
سرچینه: د عامه پوهاوي او نشراتو عمومي مدیریت
