د انجنیري پوهنځي لرلید ، رسالت او تاریخچه
ليد لوری:
انجنيري پوهنځی هڅه کوي ترڅو د انجنيري فعاليتونو په برخه کې د نوښتونو يو فعال مرکز واوسي او تر څنګه يې خپله ټوله پاملرنه درسې چارو، د ژوند په اوږدو کې زده کړو، مسلکيتوب، څيړنو، فرصتونو رامنځ ته کولو او د هيواد د ننه او د باندې نړيوالو ټولنو سره اړيکو لرلو ته ځانکړې کړي.
رسالت:
په عمومي ډول زمونږ ماموريت د انجنيري په برخه کې معياري تدريس، څيړنو او عملي زده کړو لپاره د سيستماتيکو تګلارو رامنځ ته کول دي ، چې پر مټ به يې داسې انجنيران وروزل شي تر څو سربيره پر تخنيکي پوهې ټول هغه مهارتونه چې په نوي عصر کې د يو بريالي او مسلکي انجنير لپاره اړين دي ، له ځانه سره ولري
تاريخچه:
انجنيري پوهنځی د لغمان پوهنتون په تشکيل کې د وخت د اړتيا سره سم په ۱۳۹۳ کال کې تاسيس شو چې يواځې سېول څانګه لري. دياد پوهنځي تدريسي چارې په لومړيو کې د دوه تنو کادري غړو له خوا مخته وړل کېدلې چې خوشبختانه تر ۷ کلن مزل وروسته يې اوس د کادري غړو شمېر ۸ تنو ته رسېدلی دی چې ټول يې د ماسترۍ ترکچې لوړې زده کړې لري، له نېکه مرغه بايد ووايو چې د ياد پوهنځي درې تنه کادري غړي دا مهال له هېواد څخه دباندې د دوکتورا په زده کړو بوخت دي. د انجنيري پوهنځي ټول استادان د وخت د غوښتنو سره سم په عصري ټکنالوژۍ سمبال او ځوان کادرونه دي چې تدريس، خدمت او پرمختګ لپاره ښه انرژي له ځانه سره لري. د يادپوهنځي په څلور ګونو ټولګيو کې اوسمهال ۳۱۲ تنه نارينه او ۱۶ تنه ښځينه محصلين په زده کړو بوخت دي او تردې دمه يې په دريو دورو کې ۲۹۷ ځوان انجنيران ټولنې ته د خدمت په موخه وړاندې کړي دي.